紙飛機。PaperPlane

Day4：新加坡環球影城

新加坡是一個和香港很相似的城市，城市化，鐵路完善、方便，過馬路又有紅綠燈，廁所仲好乾淨(๑ ^ ₃•๑) 

語言：Singlish(星式英文)，姐係Chinglish(中式英文)D friend，姐係英文溝通無問題(*´▽`*)

貨幣：新加坡幣，新加坡幣x5.4=港幣(匯率：2017年))，簡單嚟計就當x6啦~

跳至 –> 交通指南、購票教學

介紹

難得入到園，當然想玩多幾個遊戲啦~但係話想玩晒咁多個遊戲睇晒咁多個show，一日做晒係接近無可能嘅(´･_･`)，呢遍攻略想分享下我地去嘅時候係行咩路線、有咩遊戲係必必必玩、同一D買飛交通等等嘅資訊d(`･∀･)b

咁準備第一步睇下有咩遊戲玩先啦，再睇下自己心目中有咩優先次序(ﾟ3ﾟ)～♪

新加坡環球影城分7個區啦~

(1) Hollywood 好萊塢 - 主要係商店，仲有minion專門店(*´∀`)~♥，另外仲有一個芝麻街show

(2) Madagascar 馬達加斯加 - 主要有一個大遊樂設施：木箱漂流記(坐船嘅)，同一個小型D嘅：旋轉木馬

(3) Far Far Away 遙遠王國 - 主要有兩個大遊樂設施啦：史力加4D、無敵貓劍俠歷險記(坐飛天車嘅)，同埋兩個小型D嘅：兒童摩天輪、小朋友過山車

(4) The Lost World 失落的世界 - 主要有一個大遊樂設施嘅：侏羅紀河流探險(會濕身架!!)，同兩個小型嘅：天幕飛行、恐龍騎士(升高升低嘅)，仲有個必看嘅show：未來水世界

(5) Ancient Egypt 古埃及 - 最主要就係傅說中嘅Mummy木乃伊復仇記(過山車嚟嘅)，同一個小型D嘅：尋寶奇兵(坐車)

(6) Sci-Fi City 科幻城市 - 主要有兩個大遊樂設施啦：非常刺激嘅雙軌過山車、必玩3D變形金剛，仲有一個飛碟版咖啡杯

(7) New York 紐約 - 有兩個遊樂設施：電影特效片場、芝麻街之意大利面太空戰

**遊樂設施嘅大小其實係我大約跟佢有大主題，例如有卡通人物theme同排隊一段要耐D嘅就係大設施

TOP

全制霸攻略!!

建議遊園次序：順時針!! 即是走左邊先ㄟ(￣▽￣ㄟ)，雖然很多樂園我都集慣性走右邊先，但係這次新加坡環球影城順時針走比較順呢~~

一入園後，直走走過必經嘅好萊塢，好有農曆新年feel嘅荷里活街_(┐「ε:)_

途中經過好可愛嘅minion!!

可愛嘅minion後面就係minion shop 啦，不過唔洗急，我地遲D先shopping(ゝ∀･)

TOP

Madagascar 馬達加斯加

星星圖示(推薦必玩)：木箱漂流記 (Madagascar: A Crate Adventure)

小朋友圖示(小朋友最愛)：朱利安國王旋轉舞會 ((King Julien's Beach Party-Go-Round)

呢個遊戲就係坐船睇野咁~ 好似香港迪迪尼個小小世界咁，官方圖片↓

我地去到係唔洗等就入得!!!可能大家都鍾意行右邊先？

玩完木箱漂流記，我地就向下一個地方進發啦d(`･∀･)b

 TOP

Far Far Away 遙遠王國

星星圖示(推薦必玩)：城堡前 - 史力加4D (Shrek 4D Adventure)；無敵貓劍俠歷險記 (Puss in Boots Giant Journey)

讚好圖示(有時間可試)：小龍飛行學校 (Enchanted Airways)

小朋友圖示(小朋友最愛)：魔法轉輪 (Magic Potion Spin)

眼睛圖示(表演)：驢子秀 (Donkey Live)

史力加4D係大朋友小朋友都岩玩嘅。類似米奇幻想曲(?)，就係一個有驚喜嘅4D動畫啦~~⁽⁽٩(๑˃̶͈̀ ᗨ ˂̶͈́)۶⁾⁾

去完史力加我地就過對面玩小龍飛行學校，其實係一個俾小朋友玩嘅過山車，冇咩離心力，what you see is what you get (๑¯∀¯๑)，你看見嘅軌道就係全部 ´ϖ` /

最搞笑係有個媽咪帶住兩個小朋友玩，有一個小朋友要一個人坐，我就被職員要求同果個小朋友一齊坐，因為我地三個人都係突左一個出嚟，個媽咪仲叫我幫佢hold her hand，個小朋友好得意好搞笑（๑ • ‿ • ๑ ）

呢個我地都排左30~45分鐘 (hot hot

之後就直行到Far Far Away盡頭 ↓

無敵貓劍俠歷險記 望落好似好刺激，但其實都係類似坐車，冇離心力，值得一試٩(๑•̀ω•́๑)۶

見到D裝飾好靚好細緻，架車望落都唔驚 (•‾⌣‾•)

排左30分鐘到，有得玩lu~

玩完無敵貓劍俠歷險記出嚟就見到貓貓出嚟表演同俾人影相(*´▽`*)

之後我地就出發去下一個地方｡:.ﾟヽ(*´∀`)ﾉﾟ.:｡

TOP

The Lost World 失落的世界

星星圖示(推薦必玩)+危險圖示(有D刺激)：侏羅紀河流探險 (Jurassic Park Rapids Adventure)

讚好圖示(有時間可試)：天幕飛行 (Canopy Flyer)

小朋友圖示(小朋友最愛)：恐龍騎士 (Dino-Soarin)

眼睛圖示(表演)：未來水世界 (Water World)

廚師圖示(餐廳)：探索新之味 (Discovery Food Court)

新加坡環球影城必睇表演 -- 未來水世界 (Water World)，雖然係戶外表演又熱又曬，但係未睇過嘅一定要去睇下呀~

官方圖片↓

咁因為我之前嚟過有睇，所以今次就冇去睇啦~ 想去睇嘅朋友記住check清楚幾點有得睇!!

過左呢道門就失落了(๑¯∀¯๑)

咁因為到失落世界巳經12點幾差唔多lunch time，所以我地就決定玩埋天幕飛行，就去食飯 (๑ ^ ₃•๑)

這個飛行我坐上去好似20秒都冇就玩完了lol，不過涼風浸浸都幾舒服 (•‾⌣‾•)

之後就去左有恐龍守護嘅Discovery Food Court到食啦，價錢其實真係acceptable，同出面食差唔多，唔似得香港果D特別貴呀╮(╯_╰)╭

我地食左海南雞飯 SGD 15.5 (~HKD 84 ~TWD 335)

呢區仲有刺激好玩嘅侏羅紀河流探險 (Jurassic Park Rapids Adventure)，不過因為會濕身。所以其實我地係最後先玩嘅，不過如果睇順路應該而家玩埋(ﾟ3ﾟ)～♪

官方圖片↓

唔好以為望落好似海洋公園果個轉轉轉俾人噴水咁簡單(我地初初以為係)，其實佢係進階版，故事講述你地去參觀侏羅紀公園，途中遇,到D突發事喎，well…係刺激好玩嘅~

慳錢唔著雨褸嘅我↓

呢個game有好多洗錢關卡，首先入場前問你租唔租locker，租locker要SGD 5 (~HKD 26 ~TWD 108)，係optional的(咁梗係啦要俾錢租嘛)，第二關買雨褸(都係差不多錢)，咁好醒嘅兩位旅伴都有自備雨褸_(:3 」∠ )_，而我都有呢條防曬毛巾嘅，所以我都唔買！第三關，當你濕晒咁走出嚟，見到一部好professional嘅乾身機 SGD 10，我地決定用唔洗錢嘅自然之風吹乾ヽ(́◕◞౪◟◕‵)ﾉ

咁頭先講到我地冇用locker啦，咁D袋點算呢，就係將個袋揹住係雨褸入面啦，而我就犠牲小我、保護個袋。用條毛巾包住個袋啦，不過其實用毛巾唔係好work架，因為毛巾吸水架嘛，好采個袋淨係濕左少少(｡A｡)，正所謂又要玩又要驚濕身，大家最好就自備雨褸啦~不過patpat位同鞋都會有機會濕架，坐嘅時候要小心D啦~(*´ω`)人(´ω`*)

咁可能因為我地夜晚先玩嘅關係，我地係唔洗排隊嘅ξ( ✿＞◡❛)

TOP

Ancient Egypt 古埃及

星星圖示(推薦必玩)+危險圖示(有D刺激)：木乃伊復仇記 (Revenge of the Mummy)

小朋友圖示(小朋友最愛)：尋寶奇兵 (Treasure Hunters)

食飽飯唔想玩D刺激野住嘅可以玩下尋寶奇兵先~╰(〞︶〝) ╯，就係俾小朋友渣下小火車，雖然架火車係軌道上面行，所以就係睇下裝飾同風景

不過唔好睇少佢呀，都要等成40分鐘架(๑¯∀¯๑)

係Far Far Away嘅城堡呀~(•ㅂ•)/

之後就係挑戰木乃伊復仇記 (簡稱：Mummy)，係室內過山車嚟架!!就好似飛越太空山+灰熊山谷咁ヾ(´ε`ヾ)不過入面D裝飾好靚，仲有故事，真係一定一定要試下玩Σ>―(〃°ω°〃)♡→

係入口工作人員會叫係擺locker，咁呢個locker就唔洗錢嘅，因為入口同出口唔同地方所以要用locker

排隊區：唔知點解今次唔洗排隊，如果多人嘅時候應該都要等幾耐

一架車可以坐到16個人，好緊張呀⁽⁽٩(๑˃̶͈̀ ᗨ ˂̶͈́)۶⁾⁾

唔玩嘅朋友都唔緊要嘅，可以影下D好靚嘅裝飾

TOP

Sci-Fi City 科幻城市

星星圖示(推薦必玩)+危險圖示(有D刺激)：《太空堡壘卡拉狄加》雙軌過山車：人類與機械戰隊 (Battlestar Galactica: Human vs Cylon)

星星圖示(推薦必玩)：變形金剛3D對決之終極戰鬥 (Transformer the Ride: The Ultimate 3D Battle)

小朋友圖示(小朋友最愛)：旋轉飛盤(Accelerator)

一入科幻城市就可以聽到好多人尖叫，就係新加坡環球影城最刺激嘅過山車，就係呢個雙軌過山車，藍色係坐嘅(人類)、紅色係倒吊嘅(機械戰隊)

咁因為我地唔敢玩嘅關係所以我地係冇玩嘅 (ﾟ3ﾟ)～

之後就要介紹又刺激又好玩嘅變形金剛3D對決之終極戰鬥，真係必玩呀!!!

如名，就係一個3D嘅坐車ride，冇離心力之餘又刺激又好睇又好玩!!ヾ(*´∀ ˋ*)ﾉ

係變形金剛shop入面有件好得意好得意嘅T-shirt!!

特別係咩?就係佢遇太陽就有顏色，入室內就變番黑白!!

另外仲有旋轉飛盤可以玩，就係未來版咖啡杯，姐係轉轉轉轉轉轉~~~

TOP

New York 紐約

讚好圖示(有時間可試)：電影特效片場 (Light, Camera, Action!)

小朋友圖示(小朋友最愛)：芝麻街之意大利面太空戰 (Seasame Street Spaghetti Space Chase)

電影特效片場就係睇人地係點樣拍特效場景嘅，會睇一part點拍風暴嘅場景，真係好貼切環球影城

芝麻街之意大利面太空戰就係坐車車睇野嘅，岩晒芝麻街fans同小朋友們~

唔知點解覺得好似minion σ`∀´)σ

TOP

Hollywood 好萊塢

玩完晒當然要shopping shopping 啦，雖然...感覺上冇迪士尼咁多野買，但係有minionssss shop喎，係物價昂貴嘅新加坡有咩抵野買呢??٩(๑•̀ω•́๑)۶

認住大大粒minion就係佢嘅專賣店啦!!

(1) Master Card 9折!!

對唔住今次旅行萬用銀聯卡冇折，visa都冇折，master反而有9折!! 不過要單件貨品過SGD 20 (~HKD 108 TWD 432)先可以折，其實果度賣嘅野大部份都貴過SGD 20架啦~

(2) 節日後特價

咁因為我地係1月去，岩岩過左聖誕節，一D聖誕節日味較濃厚嘅產品都有特價!!(♡˙︶˙♡)

我就買左一條紅色格仔迷你褲，有隱藏minion，好得意呀(￫ܫ￩) SGD 35 特價 SGD 20 折實 SGD 18 (~HKD 97 TWD390)

(3) 特選貨品特價

明明大家都係一條毛巾，但係隔離果條賣25蚊，呢條賣15蚊，都係咁靚靚嘅minion(可能係舊款) SGD 15 (~HKD 81 TWD 324)

除左毛巾仲有杯都有特選特價，喜歡嘅可以留意下( • ̀ω•́ )

(4) 紀念品

想買少少野做紀念可以買下明信片，不過要係大shop先有，minion shop就唔覺有，SGD 5 (~HKD 27 TWD 108) / 4張，出面非環球影城就 SGD 5 / 6張，都係貴少少就有minion明信片啦(^u^)

 TOP

跳至：交通指南、購票教學